2017年2月16日
陳景揚 投資者手記
十年牛市由此起？
上週提到國指表現優於恒指，目前已升穿首個阻力位10,200點，後市需企穩此水平方算成功突破。短線而言，恒指及國指已逐步進入超買水平，適當的調整反而有利長線發展。從股價動能入手，短炒一轉金沙（01928）相信有利可圖。
2月14日，星期二。上週撰文之時國指身處9,846點，當時已指出其已企穩於成交密集區之上並升穿下降通道，首個阻力見於10,200點，至本週截稿時國指已超額完成並高見10,283點。將國指與恒指股價圖合併一看，不難發現國指已升穿2016年9月高位10,209點，惟恒指距離去年9月高位仍有600點或2.8%差距。
未知大家可有留意，雖然年初至今大市氣氛熾熱，但散戶以至市場的投入情緒普遍並不積極，主要由於散戶並不熱衷指數成份股，因此大市炒得興恰恰，卻仍有不少朋友認為「無嘢炒」。若然閣下相信美元年內會繼續轉強的話，筆者奉勸各位還是少沾手細價股為妙。鑑於現時與全城熾熱炒股仍有一段相當大距離，加上「民間股神」尚未現身，反映大市距離見頂仍有頗大空間呢！
中國不會有金融危機？
上週推介的華能新能源（00958）已率先抽起第一棍，升抵首個目標價3.1元只是時間問題，畢竟該目標價只反映2016年業績，如配合2017年預測純利增長的話，第二個目標價已數到3.7元。華能新能源有業績支持，估值低、增長高、成交足，不是比起細價股優勝得多嗎？相信最近大家也留意到，摩根士丹利發表題為「Why we are bullish on China」的研究報告，認為A股已經迎來一個大牛市。
事有湊巧，上週筆者已預期A股年內可上試3,600點，而國指則可上試11,500點。大摩認為中國「牛來了」的理據，是於過去十年雖然MSCI中國指數跑贏MSCI新興市場指數，但國際投資者的A股持倉卻達到16個月新低，當中主要包括兩個憂慮，第一是憂慮內地債務問題終有一日爆煲；第二是憂慮中國會步上90年代日本中產收入陷阱（Middle income trap）導致經濟呆滯不前的後塵。
雖然中國債務相對國民生產總值已從2007年的147%，升至2016年的279%，惟大摩認為無懼之有，更相信今時今日是買入A股大好時機，當中包括三個理由，第一，中國可以避開金融危機，因為債務主要用於投資而非用於消費；第二，中國於境內境外均持有強勁的淨資產；第三，內地經常帳有盈餘、外滙儲備仍處於較高水平及通脹壓力不大，反映中國有能力管理境內流動性問題。
事實上，2016年內地非金融機構總債務相對GDP比率達197%，但政府及民間借貸相對GDP比率僅為48%及34%。由於中央政府已開始接受經濟增長放緩這個事實，不難預期內地債務佔GDP比例會放緩，此舉將可避免大量企業破產。其次，大摩認為中國未來將會走高附加值產業之路，因此相信未來中國將會躍身成為高收入國家，至2027年人均收入可達至12,900美元。
金沙短線動能較強
大摩這一個Call，是一個長達十年的big call，是否準確，恐怕十年後無人會記起這份報告。大家在意的，是今年是否有賺錢機會。短線而言，恒指及國指已逐步進入超買水平，須先消化超買後才再展升浪。現階段筆者正留意四隻大股份，分別是中國電訊（00728）、中國太平（00966）、中交建（01800）及金沙（01928），四股中以金沙短線動能較強。
情人節當天，花旗對濠賭股發表研究報告指，澳門2月份首十二日賭收或到達116億澳門元，而過去一週日均收益約8.14億澳門元，因而推算澳門2月份賭收按年可升一成至215億澳門元。至於德銀、瑞信及滙證則在上週三已率先看好澳門2月份賭收表現。技術上，金沙支持位見於32元水平，週二一棍抽升4.9%，以超短線炒作來看，不妨博其回補去年12月9日的下跌裂口約36元（回補裂口後或再展跌浪），潛在升幅約8.8%，以藍籌而言，收貨。
【景揚觀天下】
過去一個星期，香港發生咗一件幾震撼嘅事，就係有人喺地鐵自焚。喺我想講我想講嘅嘢之前，我先同大家分享一個切身經歷。1月30日，年初三，我喺名古屋度假，當日下午我去咗名古屋電視塔旁邊嘅水之宇宙飛船（Oasis 21），當時我喺地下廣場等緊𨋢準備上頂層，當我準備行入𨋢嘅時候聽到「boom」一聲。
入𨋢之後望兩望唔覺有咩事，上到頂層行咗個圈影下相，之後就行番樓梯落去（就係圖中大家見到果條樓梯）。正當我喺頂樓行緊落去嘅時候聽到有救護車聲，咁梗係伸個頭出去望吓咩事啦。望落下面，有三個救護員衝緊入嚟，而正正喺我樓梯下面嘅位置，就有個女人攤咗喺度。好明顯，呢三個救護員入嚟救人，而呢個人應該係喺我當時身處嘅位置跳落去。亦即係話，我上去之前聽到boom一聲，就係佢墮地一刻。
樓下其中一位救護員向上望，而我剛好向下望，我曾經擔心佢以為係我推個女人落去。Anyway，落到地下，我望到個女人，成塊面已經無血色，基本上好似《咒怨》入面伽椰子咁樣（想知伽椰子係點樣嘅朋友，麻煩自己google）。除咗我，在場仲有其他日本人，同埋一啲外籍遊客圍觀。重點係，大家只係圍觀，無人拎部電話或者相機出嚟影番張相，證明自己「到此一遊」。
大家明我想表達啲乜啦！
香港人，真係痴L線，有人自焚，車廂着火，落咗車都要行埋去拍條片影番張相先，唔係點話比人知「我當日都係架車入面」。係咪好威呢？有咩好拍呢？重要關頭生死時刻，唔係睇吓有無大肚婆、老人家或者細路仔需要你協助，而係拍片。你記住，如果有一日你喺條街度比個傻佬斬，記得唔好寄望有人幫你報警，因為拍低你比人斬果一刻，重要過報警。
#華能新能源 #中國電訊 #中國太平 #中交建 #金沙
陳景揚 投資者手記
十年牛市由此起？
●大摩預計A股即將迎來大牛市，高附加值產業可看高一線。
上週提到國指表現優於恒指，目前已升穿首個阻力位10,200點，後市需企穩此水平方算成功突破。短線而言，恒指及國指已逐步進入超買水平，適當的調整反而有利長線發展。從股價動能入手，短炒一轉金沙（01928）相信有利可圖。
2月14日，星期二。上週撰文之時國指身處9,846點，當時已指出其已企穩於成交密集區之上並升穿下降通道，首個阻力見於10,200點，至本週截稿時國指已超額完成並高見10,283點。將國指與恒指股價圖合併一看，不難發現國指已升穿2016年9月高位10,209點，惟恒指距離去年9月高位仍有600點或2.8%差距。
未知大家可有留意，雖然年初至今大市氣氛熾熱，但散戶以至市場的投入情緒普遍並不積極，主要由於散戶並不熱衷指數成份股，因此大市炒得興恰恰，卻仍有不少朋友認為「無嘢炒」。若然閣下相信美元年內會繼續轉強的話，筆者奉勸各位還是少沾手細價股為妙。鑑於現時與全城熾熱炒股仍有一段相當大距離，加上「民間股神」尚未現身，反映大市距離見頂仍有頗大空間呢！
中國不會有金融危機？
上週推介的華能新能源（00958）已率先抽起第一棍，升抵首個目標價3.1元只是時間問題，畢竟該目標價只反映2016年業績，如配合2017年預測純利增長的話，第二個目標價已數到3.7元。華能新能源有業績支持，估值低、增長高、成交足，不是比起細價股優勝得多嗎？相信最近大家也留意到，摩根士丹利發表題為「Why we are bullish on China」的研究報告，認為A股已經迎來一個大牛市。
●MSCI中國指數於過去十年持續跑贏MSCI新興市場指數。
事有湊巧，上週筆者已預期A股年內可上試3,600點，而國指則可上試11,500點。大摩認為中國「牛來了」的理據，是於過去十年雖然MSCI中國指數跑贏MSCI新興市場指數，但國際投資者的A股持倉卻達到16個月新低，當中主要包括兩個憂慮，第一是憂慮內地債務問題終有一日爆煲；第二是憂慮中國會步上90年代日本中產收入陷阱（Middle income trap）導致經濟呆滯不前的後塵。
雖然中國債務相對國民生產總值已從2007年的147%，升至2016年的279%，惟大摩認為無懼之有，更相信今時今日是買入A股大好時機，當中包括三個理由，第一，中國可以避開金融危機，因為債務主要用於投資而非用於消費；第二，中國於境內境外均持有強勁的淨資產；第三，內地經常帳有盈餘、外滙儲備仍處於較高水平及通脹壓力不大，反映中國有能力管理境內流動性問題。
●大摩預期，中國債務相對GDP比例增長將會放緩。
事實上，2016年內地非金融機構總債務相對GDP比率達197%，但政府及民間借貸相對GDP比率僅為48%及34%。由於中央政府已開始接受經濟增長放緩這個事實，不難預期內地債務佔GDP比例會放緩，此舉將可避免大量企業破產。其次，大摩認為中國未來將會走高附加值產業之路，因此相信未來中國將會躍身成為高收入國家，至2027年人均收入可達至12,900美元。
金沙短線動能較強
大摩這一個Call，是一個長達十年的big call，是否準確，恐怕十年後無人會記起這份報告。大家在意的，是今年是否有賺錢機會。短線而言，恒指及國指已逐步進入超買水平，須先消化超買後才再展升浪。現階段筆者正留意四隻大股份，分別是中國電訊（00728）、中國太平（00966）、中交建（01800）及金沙（01928），四股中以金沙短線動能較強。
情人節當天，花旗對濠賭股發表研究報告指，澳門2月份首十二日賭收或到達116億澳門元，而過去一週日均收益約8.14億澳門元，因而推算澳門2月份賭收按年可升一成至215億澳門元。至於德銀、瑞信及滙證則在上週三已率先看好澳門2月份賭收表現。技術上，金沙支持位見於32元水平，週二一棍抽升4.9%，以超短線炒作來看，不妨博其回補去年12月9日的下跌裂口約36元（回補裂口後或再展跌浪），潛在升幅約8.8%，以藍籌而言，收貨。
金沙中國（01928）股價圖
2月15日收報：32.90港元
已發行股數：80.71億股
市值：2,655.36億港元
52週高低位：38.31 - 23.61港元
【景揚觀天下】
過去一個星期，香港發生咗一件幾震撼嘅事，就係有人喺地鐵自焚。喺我想講我想講嘅嘢之前，我先同大家分享一個切身經歷。1月30日，年初三，我喺名古屋度假，當日下午我去咗名古屋電視塔旁邊嘅水之宇宙飛船（Oasis 21），當時我喺地下廣場等緊𨋢準備上頂層，當我準備行入𨋢嘅時候聽到「boom」一聲。
入𨋢之後望兩望唔覺有咩事，上到頂層行咗個圈影下相，之後就行番樓梯落去（就係圖中大家見到果條樓梯）。正當我喺頂樓行緊落去嘅時候聽到有救護車聲，咁梗係伸個頭出去望吓咩事啦。望落下面，有三個救護員衝緊入嚟，而正正喺我樓梯下面嘅位置，就有個女人攤咗喺度。好明顯，呢三個救護員入嚟救人，而呢個人應該係喺我當時身處嘅位置跳落去。亦即係話，我上去之前聽到boom一聲，就係佢墮地一刻。
大家明我想表達啲乜啦！
香港人，真係痴L線，有人自焚，車廂着火，落咗車都要行埋去拍條片影番張相先，唔係點話比人知「我當日都係架車入面」。係咪好威呢？有咩好拍呢？重要關頭生死時刻，唔係睇吓有無大肚婆、老人家或者細路仔需要你協助，而係拍片。你記住，如果有一日你喺條街度比個傻佬斬，記得唔好寄望有人幫你報警，因為拍低你比人斬果一刻，重要過報警。
#華能新能源 #中國電訊 #中國太平 #中交建 #金沙
Comments