2017年5月18日
陳景揚 投資者手記
大西安戰略佈局，留意新豐泰
股市愈升愈有，恐慌指數愈跌愈低，擁抱鐘擺效應（Pendulum Effect）造淡的話，在這個「五窮月」可說是遍體鱗傷。No more short，是今年餘下時間的投資大策略。今年汽車股表現不俗，其中筆者剛走訪位總部位於西安的新豐泰（01771），值得投資者留意。
5月16日，星期二。早在3月份完結之際，不少市場分析認為港股已經連升三個月，要再升第四個月的話可說是mission impossible。結果，恒指一如筆者所料，在4月19日回補3月16日遺留下來的上升裂口約23,800點後轉眼回升，埋單計4月份又是升市收場。來到5月之初，市場大呼小叫Sell in May and walk away。又話五窮月，截稿之時，5月份恒指累升2.9%或720點。
假如5月份最終仍然錄得升市，恒指將會連升五個月。筆者統計對上五次恒指連升五個月，分別是2003年7月至11月、2004年5月至9月、2006年6月至10月、2007年3月至7月及2012年9月至2013年1月。在上述五次「五連升」之中，2003年、2006年及2007年那三次在其後三個月再錄得升幅，即八連升；至於2004年及2012年那一次，則連升五個月後斷纜。
短炒滙控已到價
上述的統計對後市走勢啟示不大，重點是想表達，升得多不等於升完，跌得多亦不等於跌夠。正如筆者今年已多次強調，放棄細價股，轉攻強勢指數成份股甚至直接追買指數，贏面大得多。望望滙控（00005），筆者早在3月15日推介，建議以槓桿形式買入並以70元作止賺位。滙控本週二已高見69.15元，較推介前收報63.7元累積一成升幅，跑贏同期恒指6.5%升幅，現時距離食胡位僅一步之遙。3月23日，筆者指「都市麗人（02298）從上市後高位9元跌至近日2元水平見支持，首站不妨先博其重上2016年7月起長期橫行水平3元」，此股於5月16日升至3.15元，到價有凸。
上週筆者推介恒生H股ETF（02828），點擊率一如預期急跌，無他，散戶覺得ETF駛鬼我推介。筆者無乜幾可叫人「大口、大口高槓桿炸落恒生H股ETF」，話埋你知阻力位見於成交密集區頂部約106元。今個星期二，恒生H股ETF高見105.4元創一個月新高，較筆者推介前報102.7元彈升2.6%或2.7元，亦剛好在106元之前叩關。用廿萬多些少成本做八成孖展，買1萬股擺四日，扣除交易成本兼按倉利息，起碼執兩皮幾。花時間研究殼股，真係笑你戇鳩怕你嬲。
本身今個星期想推介平保（02318），皆因平保成功突破3月及4月雙頂約45元阻力，阻力變支持，投資者應該在45元水平大口、大口高槓桿炸落平保，向上挑戰55元。可惜，平保又是一隻駛鬼我推介的股票。That's fine。寫寫本週去了西安考察汽車4S店新豐泰（01771）。新豐泰的4S店主要位於中國西北地區，例如銀川、蘭州、西安、渭南、北京及內蒙古等，除了西安為主打城市之外，江蘇亦是發展重點之一。
新豐泰現時代理的品牌共15個，包括賓利、保時捷、奧迪及凌志等等。值得注意的是，陝西省由4月開始成為內地第三批自貿區，亦是西北地區唯一的自貿區，戰略地位最特殊，因為陝西屬於「一帶一路」龍頭省份，同時連接海上絲綢之路及陸上絲綢之路。未來西安將會打造成五大中心，包括國際商貿物流中心、國際科技教育中心、國際產能合作中心、文化旅遊中心和區域金融中心。
估值偏高交投冷清
隨著大西安戰略佈局出台，市場預期至2020年，西安本地生產總值將超過1萬億元人民幣，總人口達到1,070萬，城鎮人口規模將突破850萬，而大西安主城區覆蓋區域將達到2,600平方公里，面積超越北京和上海。以西安為總部的新豐泰，相信可以直接受惠。截至2016年底止，新豐泰純利上升81.1%至4,690萬元人民幣，每股盈利0.08元人民幣；收入按年增加2.7%至76.86億元人民幣。
新豐泰中線發展相對樂觀，但短線仍有不少問題需要解決，例如現價相對2016年歷史市盈率（P/E）達21.8倍，即使今年增長能如去年一樣，預測P/E仍達12倍，較同業永達汽車（03669）及中升控股（00881）預測P/E約8.7倍及10.1倍為高。其次，新豐泰日均成交量相對偏低，交投冷清，暫難吸引機構投資者進場。總體而言，新豐泰有其獨特的特色，投資者不妨先行觀望。
【景揚觀天下】
上星期五去咗西安行一轉，有件事好值得分享一下。當日我同一位國際知名香港藝人同機，佢位助手正正坐喺我前面，落機拎背囊嘅時候都幾客氣，唔好意思前、唔好意思後。落咗機，準備排隊過安檢，成堆人企喺我面前，神色凝重又氣氛緊張，我就唔理咁多直行直過啦，咁啱呢位藝人就排喺我後面。我用咗兩秒思考，好唔好問佢影張合照。兩秒一過，決定都係算數，望都唔敢望佢。
到底佢係邊位藝人，令到我連望都唔敢望佢一眼，大家可以自己上網查吓，邊位國際知名香港藝人去咗西安。連望都唔敢望佢，唔係我誇張，係因為喺排隊過安檢之前，有一位內地人舉機影佢，點知佢走埋去一嘢拍走人哋部相機，所以咪搞到個場面咁緊張囉。我真係好擔心，萬一我問佢可唔可以影張合照，佢會即時扯火鬧我「Stupid，我係X人嚟㗎」。
講真，娛樂圈我就真係唔熟，不過搭飛機久唔久總會撞到明星。好似有次去廈門，咁啱坐我隔離嘅係一位大俠，當時佢個廣告「最鋒利嘅刀都有生銹嘅一日」日播夜播，真係上晒腦。食完飛機餐，同佢影張合照之餘，佢仲好有禮貌咁同我傾到落機，由佢做童星開始講到近年大台與電視圈轉變。大俠之所以係大俠，真係有大俠應有嘅氣魄，平易近人到不得了。
另一次遇到扮黑社會又得、扮警察又得嘅影帝，貴為影帝又係無架子，最搞笑仲問我去邊度考察、睇咩項目。唔知點解，以前紅褲仔出身嘅演員，可以隨和到咁，反而後生呢一代，未紅就先驕，稍有知名度就膨脹到去宇宙，目中無人到一個地步。如果有一日，大家搭飛機見到我，唔駛怕羞，即管過嚟同我影番兩張合照，只要唔係問冧把，我保證唔會拍低你部相機，亦唔會話你Stupid。
陳景揚 投資者手記
大西安戰略佈局，留意新豐泰
●新豐泰主要從事新車銷售、二手車買賣、售後服務及其他增值服務，總部位於西安。
股市愈升愈有，恐慌指數愈跌愈低，擁抱鐘擺效應（Pendulum Effect）造淡的話，在這個「五窮月」可說是遍體鱗傷。No more short，是今年餘下時間的投資大策略。今年汽車股表現不俗，其中筆者剛走訪位總部位於西安的新豐泰（01771），值得投資者留意。
5月16日，星期二。早在3月份完結之際，不少市場分析認為港股已經連升三個月，要再升第四個月的話可說是mission impossible。結果，恒指一如筆者所料，在4月19日回補3月16日遺留下來的上升裂口約23,800點後轉眼回升，埋單計4月份又是升市收場。來到5月之初，市場大呼小叫Sell in May and walk away。又話五窮月，截稿之時，5月份恒指累升2.9%或720點。
假如5月份最終仍然錄得升市，恒指將會連升五個月。筆者統計對上五次恒指連升五個月，分別是2003年7月至11月、2004年5月至9月、2006年6月至10月、2007年3月至7月及2012年9月至2013年1月。在上述五次「五連升」之中，2003年、2006年及2007年那三次在其後三個月再錄得升幅，即八連升；至於2004年及2012年那一次，則連升五個月後斷纜。
短炒滙控已到價
上述的統計對後市走勢啟示不大，重點是想表達，升得多不等於升完，跌得多亦不等於跌夠。正如筆者今年已多次強調，放棄細價股，轉攻強勢指數成份股甚至直接追買指數，贏面大得多。望望滙控（00005），筆者早在3月15日推介，建議以槓桿形式買入並以70元作止賺位。滙控本週二已高見69.15元，較推介前收報63.7元累積一成升幅，跑贏同期恒指6.5%升幅，現時距離食胡位僅一步之遙。3月23日，筆者指「都市麗人（02298）從上市後高位9元跌至近日2元水平見支持，首站不妨先博其重上2016年7月起長期橫行水平3元」，此股於5月16日升至3.15元，到價有凸。
上週筆者推介恒生H股ETF（02828），點擊率一如預期急跌，無他，散戶覺得ETF駛鬼我推介。筆者無乜幾可叫人「大口、大口高槓桿炸落恒生H股ETF」，話埋你知阻力位見於成交密集區頂部約106元。今個星期二，恒生H股ETF高見105.4元創一個月新高，較筆者推介前報102.7元彈升2.6%或2.7元，亦剛好在106元之前叩關。用廿萬多些少成本做八成孖展，買1萬股擺四日，扣除交易成本兼按倉利息，起碼執兩皮幾。花時間研究殼股，真係笑你戇鳩怕你嬲。
本身今個星期想推介平保（02318），皆因平保成功突破3月及4月雙頂約45元阻力，阻力變支持，投資者應該在45元水平大口、大口高槓桿炸落平保，向上挑戰55元。可惜，平保又是一隻駛鬼我推介的股票。That's fine。寫寫本週去了西安考察汽車4S店新豐泰（01771）。新豐泰的4S店主要位於中國西北地區，例如銀川、蘭州、西安、渭南、北京及內蒙古等，除了西安為主打城市之外，江蘇亦是發展重點之一。
新豐泰現時代理的品牌共15個，包括賓利、保時捷、奧迪及凌志等等。值得注意的是，陝西省由4月開始成為內地第三批自貿區，亦是西北地區唯一的自貿區，戰略地位最特殊，因為陝西屬於「一帶一路」龍頭省份，同時連接海上絲綢之路及陸上絲綢之路。未來西安將會打造成五大中心，包括國際商貿物流中心、國際科技教育中心、國際產能合作中心、文化旅遊中心和區域金融中心。
估值偏高交投冷清
隨著大西安戰略佈局出台，市場預期至2020年，西安本地生產總值將超過1萬億元人民幣，總人口達到1,070萬，城鎮人口規模將突破850萬，而大西安主城區覆蓋區域將達到2,600平方公里，面積超越北京和上海。以西安為總部的新豐泰，相信可以直接受惠。截至2016年底止，新豐泰純利上升81.1%至4,690萬元人民幣，每股盈利0.08元人民幣；收入按年增加2.7%至76.86億元人民幣。
新豐泰中線發展相對樂觀，但短線仍有不少問題需要解決，例如現價相對2016年歷史市盈率（P/E）達21.8倍，即使今年增長能如去年一樣，預測P/E仍達12倍，較同業永達汽車（03669）及中升控股（00881）預測P/E約8.7倍及10.1倍為高。其次，新豐泰日均成交量相對偏低，交投冷清，暫難吸引機構投資者進場。總體而言，新豐泰有其獨特的特色，投資者不妨先行觀望。
新豐泰（01771）一年股價圖
5月17日收報：2.00港元
單位數目：6.00億股
市值：12.00億港元
52週高低位：2.54 - 1.71港元
【景揚觀天下】
上星期五去咗西安行一轉，有件事好值得分享一下。當日我同一位國際知名香港藝人同機，佢位助手正正坐喺我前面，落機拎背囊嘅時候都幾客氣，唔好意思前、唔好意思後。落咗機，準備排隊過安檢，成堆人企喺我面前，神色凝重又氣氛緊張，我就唔理咁多直行直過啦，咁啱呢位藝人就排喺我後面。我用咗兩秒思考，好唔好問佢影張合照。兩秒一過，決定都係算數，望都唔敢望佢。
到底佢係邊位藝人，令到我連望都唔敢望佢一眼，大家可以自己上網查吓，邊位國際知名香港藝人去咗西安。連望都唔敢望佢，唔係我誇張，係因為喺排隊過安檢之前，有一位內地人舉機影佢，點知佢走埋去一嘢拍走人哋部相機，所以咪搞到個場面咁緊張囉。我真係好擔心，萬一我問佢可唔可以影張合照，佢會即時扯火鬧我「Stupid，我係X人嚟㗎」。
●呢位藝人好好火，嚇到我望都唔敢望佢．．．
講真，娛樂圈我就真係唔熟，不過搭飛機久唔久總會撞到明星。好似有次去廈門，咁啱坐我隔離嘅係一位大俠，當時佢個廣告「最鋒利嘅刀都有生銹嘅一日」日播夜播，真係上晒腦。食完飛機餐，同佢影張合照之餘，佢仲好有禮貌咁同我傾到落機，由佢做童星開始講到近年大台與電視圈轉變。大俠之所以係大俠，真係有大俠應有嘅氣魄，平易近人到不得了。
另一次遇到扮黑社會又得、扮警察又得嘅影帝，貴為影帝又係無架子，最搞笑仲問我去邊度考察、睇咩項目。唔知點解，以前紅褲仔出身嘅演員，可以隨和到咁，反而後生呢一代，未紅就先驕，稍有知名度就膨脹到去宇宙，目中無人到一個地步。如果有一日，大家搭飛機見到我，唔駛怕羞，即管過嚟同我影番兩張合照，只要唔係問冧把，我保證唔會拍低你部相機，亦唔會話你Stupid。
熱門文章
- 有大食大，爆炒易發易發 │ 2017年5月11日
- 頂頭蟹貨少，吸納中國機械工程 │ 2017年3月23日
- 獅子王4月之吼 │ 2017年3月16日
- 風起雲霧散，華能新能源 │ 2017年2月9日
- 猛片輪住上，IMAX中國單W │ 2017年1月26日
- 一帶一路電力王，偉能盈利大爆發 │ 2017年1月12日
- 物流股賣盤奇想 │ 2016年12月8日
Comments