2017年2月2日
陳景揚 投資者手記
土豪愛回家，周大福行運
恭喜發財！送猴迎雞賀新歲，港股紅盤低開，美股亦因特朗普（Donald Trump）限制入境措施而烏雲密佈，看來仍有大量不確定性事件正在醞釀。外圍不穩情緒升溫，內地奢侈品銷售卻有回春跡象，投資者不妨留意內地收入貢獻逾半的周大福（01929）。
2月1日，星期三。自從特朗普（Donald Trump）上場後，陸續開始推出其「特式政策」，先後以個人意志推翻「奧巴馬醫保」及退出跨太平洋夥伴關係協議（TPP）。同一時間，特朗普既要在美國與墨西哥邊境築圍牆，又要墨西哥「埋單」，氣得墨西哥總統涅托（Enrique Pena Nieto）取消訪美行程。
點起火頭絕對是特朗普的個人風格，外憂不絕內患頻起，寸完美國傳媒之後，與英國首相文翠珊（Theresa May）世紀牽手記者會更順手寸埋英國傳媒，恐怕其聲望要較金三胖以及被西方國家視為共產主義推手的習大大更低。當特朗普爆冷當選美國總統之際，市場一面倒認為其大美帝國白人主義優先的政綱只是一張不能兌現的期票，事實上，特朗普似乎說到做到，比獨裁更獨裁。其實，這不是預期之內的嗎？
一啖砂糖一啖屎
早兩天，特朗普失驚無神簽署行政命令（Executive order），禁止伊拉克、敘利亞、伊朗、利比亞、索馬利亞、蘇丹和葉門的「所有公民」至少在未來90日內入境美國，全球約有超過1.34億人受影響。這項行政命令對市場帶來的震撼程度，遠高於特朗普之前推出的任何一項政策，科技股「躺着也中槍」，因為不少美國科企會以H-1B簽證招聘海外高級技術人才。
當地傳媒已有流傳，特朗普正準備下一個行政命令，就是企業須優先僱用美國勞工，假如不得不僱用外國勞工，也須給予當地勞工最高薪酬，蘋果公司（AAPL.US）及Facebook（FB.US）率先表達憂慮。美股早前一直炒高，或多或少與投資者憧憬特朗普能推出強而有力的政策去刺激經濟，當中包括減稅及放寬監管，但從目前情況來看，出台的政策似乎更是着重於保護主義較多。
現階段投資者難免懷疑，過去一段時間的樂觀氣氛炒作似是過了火位。最恐怖的是，剛剛簽署行政命令限制入境，另一方面便簽署行政命令撤銷多項規管中小企業的法規，真是一啖砂糖一啖屎。有時候，以個人意志去推行政策，實行「局部民主」，的確可以避過重重法規，省去不少政治爭拗，近年最成功的例子包括中國、新加坡以及雷厲風行打擊毒犯的菲律賓。
然而美國向來是個移民大國，國民擁抱民主深入民心，如再推出更多行政命令卻無助於提振經濟的話，特朗普現時可說是在玩一個火中取栗的遊戲，這是投資者不願看見的情景。資金始終喜歡停泊在安全、穩定而較大程度可以預見未來的地方，這段時間資金將會重投新興市場懷抱。習大大於2013年曾經大力打貪，導致奢侈品消費急降。
周大福內地重拾增長
值得注意的是，深受內地人喜愛的Burberry於1月份表示，去年下半年中國區銷售達到高單位數增長；Hugo Boss則指期內見底復甦；LVMH集團亦表示旗下酒類產品銷售回升，並重拾增長動力。對內地消費者而言，如該產品能於國內買到而價錢與國外差距不大的時候，消費者傾向於在內地購買，反映內地客過往於海外爆買的行為，已逐漸回歸國內市場。
年初至今，Prada（01913）、周大福（01929）及新秀麗（01910）股價分別累升22.8%、11.6%及10.6%。從周大福截至去年12月底止第三季（10月至12月）中國區同店銷售數據可見，由上半年（4月至9月）倒退20.9%，大幅改善至增長4%，而香港區跌幅亦見收窄。中國區收入佔周大幅逾半收益，如果押注中國奢侈品市道銷情回升，不妨博其先回補1月10日遺留下來的上升裂口約6.22元買入，中線上望8.3元。
【景揚觀天下】
隨住年紀愈來愈大，近年開始留意多咗有關醫療同保健有關嘅設備，想睇呢方面嘅器材，除咗你本身從事呢個行業之外，日本就最多呢方面嘅產品，因為當地老人家多嘛。最近喺日本度假，見到有間鋪將一件好cute嘅產品放喺當眼位置，然後標榜大賣No.1，而售價只係5,000円左右，咁梗係望望係咩啦。
呢舊嘢叫「低週波治療器」，絕對唔係新發明，之但係點解近呢幾年呢舊嘢會開始流行，最主要係電腦普及，同埋「低頭族」數目增加有關。單睇個名，我真係唔知咩叫低週波治療器，於是即場上網搵資料。唔知大家有無去過中醫，做電流針灸，而呢部低週波治療器概念就同電流針灸差唔多，佢有唔同波段嘅電流，先將電極片放喺痛處，一般係肩、腰、手腕同腿。
最主要功效，就係促進血液循環、減輕肩膊酸痛同紓緩僵硬等等。單睇牌面，你以為佢係一個治本嘅工具，但經過仔細研究之後，發現佢真正降低疼痛感覺嘅原理，係利用電流刺激表皮神經，令到傳送「痛」呢個信號受到阻隔，從而達到令你覺得唔痛。換句話說，好多時頭痛去食止痛藥（NSAID），其實粒藥只係某程度抑制Cyclooxygenase（COX），同樣係治標唔治本嘅方法。
我為咗研究呢個產品，企咗喺度足足兩個鐘，最後用咗五千幾円，買咗另一個無咁cute但日本制嘅低週波治療器。我唔知會有幾多個傻佬，為咗買一個唔夠四舊水港紙嘅嘢而研究咁耐，但係「買入之前做研究」就係我嘅個性。當你能夠學識買嘢之前肯花多啲時間做資料搜集同研究，就唔會出現「唔知點解買咗呢隻股票而唔知點算」嘅情況。
可惜呀，呢個道理，講100次都係唔會明嘅。
陳景揚 投資者手記
土豪愛回家，周大福行運
●中國奢侈品市場正在見底回升，Prada及周大福有望迎來春天。
恭喜發財！送猴迎雞賀新歲，港股紅盤低開，美股亦因特朗普（Donald Trump）限制入境措施而烏雲密佈，看來仍有大量不確定性事件正在醞釀。外圍不穩情緒升溫，內地奢侈品銷售卻有回春跡象，投資者不妨留意內地收入貢獻逾半的周大福（01929）。
2月1日，星期三。自從特朗普（Donald Trump）上場後，陸續開始推出其「特式政策」，先後以個人意志推翻「奧巴馬醫保」及退出跨太平洋夥伴關係協議（TPP）。同一時間，特朗普既要在美國與墨西哥邊境築圍牆，又要墨西哥「埋單」，氣得墨西哥總統涅托（Enrique Pena Nieto）取消訪美行程。
點起火頭絕對是特朗普的個人風格，外憂不絕內患頻起，寸完美國傳媒之後，與英國首相文翠珊（Theresa May）世紀牽手記者會更順手寸埋英國傳媒，恐怕其聲望要較金三胖以及被西方國家視為共產主義推手的習大大更低。當特朗普爆冷當選美國總統之際，市場一面倒認為其大美帝國白人主義優先的政綱只是一張不能兌現的期票，事實上，特朗普似乎說到做到，比獨裁更獨裁。其實，這不是預期之內的嗎？
一啖砂糖一啖屎
早兩天，特朗普失驚無神簽署行政命令（Executive order），禁止伊拉克、敘利亞、伊朗、利比亞、索馬利亞、蘇丹和葉門的「所有公民」至少在未來90日內入境美國，全球約有超過1.34億人受影響。這項行政命令對市場帶來的震撼程度，遠高於特朗普之前推出的任何一項政策，科技股「躺着也中槍」，因為不少美國科企會以H-1B簽證招聘海外高級技術人才。
當地傳媒已有流傳，特朗普正準備下一個行政命令，就是企業須優先僱用美國勞工，假如不得不僱用外國勞工，也須給予當地勞工最高薪酬，蘋果公司（AAPL.US）及Facebook（FB.US）率先表達憂慮。美股早前一直炒高，或多或少與投資者憧憬特朗普能推出強而有力的政策去刺激經濟，當中包括減稅及放寬監管，但從目前情況來看，出台的政策似乎更是着重於保護主義較多。
現階段投資者難免懷疑，過去一段時間的樂觀氣氛炒作似是過了火位。最恐怖的是，剛剛簽署行政命令限制入境，另一方面便簽署行政命令撤銷多項規管中小企業的法規，真是一啖砂糖一啖屎。有時候，以個人意志去推行政策，實行「局部民主」，的確可以避過重重法規，省去不少政治爭拗，近年最成功的例子包括中國、新加坡以及雷厲風行打擊毒犯的菲律賓。
然而美國向來是個移民大國，國民擁抱民主深入民心，如再推出更多行政命令卻無助於提振經濟的話，特朗普現時可說是在玩一個火中取栗的遊戲，這是投資者不願看見的情景。資金始終喜歡停泊在安全、穩定而較大程度可以預見未來的地方，這段時間資金將會重投新興市場懷抱。習大大於2013年曾經大力打貪，導致奢侈品消費急降。
周大福內地重拾增長
值得注意的是，深受內地人喜愛的Burberry於1月份表示，去年下半年中國區銷售達到高單位數增長；Hugo Boss則指期內見底復甦；LVMH集團亦表示旗下酒類產品銷售回升，並重拾增長動力。對內地消費者而言，如該產品能於國內買到而價錢與國外差距不大的時候，消費者傾向於在內地購買，反映內地客過往於海外爆買的行為，已逐漸回歸國內市場。
年初至今，Prada（01913）、周大福（01929）及新秀麗（01910）股價分別累升22.8%、11.6%及10.6%。從周大福截至去年12月底止第三季（10月至12月）中國區同店銷售數據可見，由上半年（4月至9月）倒退20.9%，大幅改善至增長4%，而香港區跌幅亦見收窄。中國區收入佔周大幅逾半收益，如果押注中國奢侈品市道銷情回升，不妨博其先回補1月10日遺留下來的上升裂口約6.22元買入，中線上望8.3元。
周大福（01929）股價圖
2月1日收報：6.86港元
已發行股數：100億股
市值：686億港元
52週高低位：6.98 - 3.87港元
隨住年紀愈來愈大，近年開始留意多咗有關醫療同保健有關嘅設備，想睇呢方面嘅器材，除咗你本身從事呢個行業之外，日本就最多呢方面嘅產品，因為當地老人家多嘛。最近喺日本度假，見到有間鋪將一件好cute嘅產品放喺當眼位置，然後標榜大賣No.1，而售價只係5,000円左右，咁梗係望望係咩啦。
呢舊嘢叫「低週波治療器」，絕對唔係新發明，之但係點解近呢幾年呢舊嘢會開始流行，最主要係電腦普及，同埋「低頭族」數目增加有關。單睇個名，我真係唔知咩叫低週波治療器，於是即場上網搵資料。唔知大家有無去過中醫，做電流針灸，而呢部低週波治療器概念就同電流針灸差唔多，佢有唔同波段嘅電流，先將電極片放喺痛處，一般係肩、腰、手腕同腿。
最主要功效，就係促進血液循環、減輕肩膊酸痛同紓緩僵硬等等。單睇牌面，你以為佢係一個治本嘅工具，但經過仔細研究之後，發現佢真正降低疼痛感覺嘅原理，係利用電流刺激表皮神經，令到傳送「痛」呢個信號受到阻隔，從而達到令你覺得唔痛。換句話說，好多時頭痛去食止痛藥（NSAID），其實粒藥只係某程度抑制Cyclooxygenase（COX），同樣係治標唔治本嘅方法。
可惜呀，呢個道理，講100次都係唔會明嘅。
Comments