需要全身放鬆,應該買這隻股票

2017年6月1日

陳景揚   投資者手記
需要全身放鬆,應該買這隻股票
●敏華去年請來劉德華作為代言人,催谷內地銷售收益。

金融圈有潛規則並非朝夕之事,難得有位傻仔在手機上白紙黑字講明「需要全身放鬆」,明示暗示實習生要獻身,真是蠢到沒朋友。想要全身放鬆,其實只需買入生產頭等艙梳化的敏華控股(01999)便可,歷年派息兼回購,想幾鬆有幾鬆。

5月29日,星期二。本月筆者先後於5月11日推薦恒生H股ETF(02828),再於5月18日推介平保(02318),一隻ETF,一隻大藍籌,無論電台聽眾還是專欄讀者,十有七八嗤之以鼻。過去多年,筆者甚少建議投資者以大口、大口高槓桿方式炸落這兩隻股份,換句話說,筆者肯定對這個投資策略背後充滿無限信心。20萬成本,80萬孖展,兩隻股份各自買入一球錢,今天是甚麼境況?

恒生H股EFT推介前報102.7元,以20萬元本金八成孖展計,可買入9,700股,本週一收報106.7元,未扣手續費及利息前帳面利潤38,800元,回報是19.4%;平保推介前報46.9元,同樣以20萬元本金八成孖展計,可買入21,000股,本週一收報50.35元,未扣手續費及利息前帳面利潤72,450元,回報是36.2%。前者持貨十三個交易日,後者持貨八個交易日。

A股入摩袋住先

若然天下間另有其人在選擇時機與股份同樣出眾,並敢於連續兩星期寫明「大口、大口高槓桿炸落去」,麻煩通知我一聲。炒股票,最重要是turnover及liquidity,今時今日有幾多人夠膽一口炸一球落細價股?叫得你高槓桿炸落ETF及藍籌,背後包含的意義有三部份,第一,這隻ETF或藍籌有可觀的潛在升幅;第二,日均成交充足買賣無差價;第三,有甚麼冬瓜豆腐一定沽得出。

美國聯儲局6月份加息預期達到百份之一百,除非反高潮突然不加息,否則6月加息因素早已反映在股市之內。6月份唯一值得期待的,就是A股到底能否「入摩」。從2014年6月起,A股已連續三年闖關失敗,理由不外乎投資額度及流動性不足等。今年入摩機率較以往為高,主要由於今年A股推出一個修訂版,建議只納入可通過滬港通和深港通買賣的重磅A股。屈指一算,符合修訂版的股份數目,將由原先的448隻,大幅縮減至只有169隻。

修訂版的規模與數量較原先少得多,市場估計大摩今次會「袋住先」。不過,縮水版入摩後佔MSCI的比重,亦可能只會是一個象徵式的百分比,換言之對吸納資金追貨從而推動指數向上的實際效益不大。實際效益不大,不代表指數不會上升,因為這個變動對心理因素影響更大。從無變有,下一步只會增加得愈來愈多,比重愈來愈大,因此未必會出現buy the rumor, sell the fact的情況,更似是buy the fact。

安碩A50(02823)南方A50(02822)走勢可見,這兩隻ETF在上週四率先突破11.5元及12元三頂阻力,走勢較尚未突破的上證綜指先行一步,聰明錢的流向是否已有啟示?上證綜指在5月11日及24日於3,000點營造小雙底兼力保不失,升浪一到,勢試3,250點。今個星期筆者建議大口、大口高槓桿炸落建行(00939),6.5元三頂阻力一穿,必定挑戰大時代高位7.3元。

派息回購回饋股東

端午假期前夕,爆出中金研究部執行總經理、銀行分析師黃潔需要全身放鬆,明示實習生要獻身換取前途。臥底對話都要上天台,三口六面講清楚才能夠死無對證,白紙黑字斷正,只能怪黃總蠢過隻豬了。還好另一位黃總聰明勤力得多,過去六年帶領公司合共獲得60億元純利,期內合共派息38.2億元(平均派息比率64%),另斥資13.8億元作回購,六年來派息加回購共計52億元。

筆者說的這隻股份,就是梳化生產商敏華(01999)。敏華曾於2014年及2016年一送一紅股,以其週一收市價7.66元計,相當於舊價30.64元。有本事守五年,現時手上持貨經已零成本。買張頭等艙梳化再加1萬股,全身放鬆就是這麼簡單。敏華屬於一隻值得長期持有的股份,惟現價相對偏高,投資者不妨靜候6元水平吸納,筆者相信未來兩至三年,敏華仍具有可觀增長空間。

敏華(01999)一年股價圖
5月31日收報:7.80港元
已發行股數:38.32億股
市值:298.90億港元
52週高低位:8.00 - 4.59港元

【景揚觀天下】
價值觀係一樣好玄妙嘅事,就算大家同樣生於呢塊土地,受類似嘅教育,傳承類似嘅文化,即使係同一件事,大家都可以有唔同睇法。問題係,若然每一個人都可以用自己嘅自由意志(free will),作為判斷同一件事嘅基礎準則,咁呢個世界仲會唔會有價值觀?假如有一日,社會普遍認為強姦唔係罪行,又不幸地變成最大公因數,價值觀同事實基礎對於我哋嚟講會變咗啲乜?

有啲人,好鍾意話依家時代唔同咗,以前果套思想唔完整、守舊,我哋應該要有新思維、新方向去迎合呢個轉變,否則就係食古不化。如果價值觀會因應時代轉變而調整,價值觀就唔係價值觀,係追捧潮流。好似炒股票咁,近一、兩年的確好興種殼、啤殼、賣殼,然後爆出啲所謂殼股專家。呢個潮流我識,但我唔會追,因為我百分之百肯定,錢唔係咁搵、達唔係咁發。正如曾經有段時間好興着喇叭褲,我真係不敢恭維。


同年輕人講追夢,話只要肯堅持最終就會達成,呢句話本身無問題,問題在於出自邊個把口。如果講果個係劉鳴煒,你會覺得無說服力;如果講果個係一個爬上珠穆朗瑪峰嘅老師,就更加不值一提。喺2004年至2016年之間,一共有98名登山客死於珠峰之上,若然從1924年計起,則有大約280名登山者死於峰上,當中兩百幾條屍,一直係雪山上面。你想收屍?得,要搵當地嘅雪巴人。難聽啲講,你死咗都要麻煩到其他人運番你條屍。

登峰嘅人,需要當地嘅雪巴人為你開路、帶路同運送物資,喺果十三年之間,98名死者之中有35人係雪巴人,佔死亡人數36%。若然你係自己一條友登峰,我心服口服;若然你只係喺一大班死侍保護下玩命博一鋪,榮譽應該歸死侍。你死喺雪山之上,係應該,死唔去,係好彩,而唔係光彩。

想玩命,好簡單,你搵幾個死侍夜晚10點由荃灣開始沿屯門公路行入屯門,死侍幫你擋住啲貨櫃車、泥頭車同旅遊巴。你行得晒又唔死得,去到終點一樣好威水,一樣可以擁抱你老母,一樣可以開個「屯門公路19.3公里的課堂」,記得同年輕人講,堅持就會達成(後面幾L多人成就你,唔需要提,佢哋算係乜)。


熱門文章

Comments

Sam Hon said…
咁睇好939,nice~
買正股好/衍生好呢,我好少掂衍生...=]

Popular Posts