2017年6月22日
陳景揚 投資者手記
中漆上市炒貨乾，認購兩手又何妨
A股成功入摩，惟恒指於過去一週繼續於25,500點至26,000點之間整固，下試50天線的機率猶在。本週轉個話題，北海集團（00701）即將分拆中漆集團（01932），從技術上入手，投資者不妨入飛抽兩手，相信此股下跌空間不大。
6月21日，星期三。恒指繼續在高位進行整固，過去一週最低曾跌至約25,500點，但整體仍處於高位運行。雖然目前20天線已經緩緩攀升，但投資者仍然不能大意後市有機會下試50天線的可能性。事實上，市場一直對A股入摩抱有憧憬，惟A股成功入摩後，未能為大市帶來利好氣氛，反而借勢回調，相信大漲小回格局暫時未變。
上週五福澤集團（08108）股價大瀉八成，筆者當日在0.205港元飛身買入10萬股，不少朋友形容此舉為「勇」。借問一句，俱俱兩萬元的成本，即使total loss也是不着邊際，何勇之有？投機性炒作，不是計自己會贏多少，而是計自己輸得起多少，說穿了只是一條值博率的數學題。事後孔明，福澤於公告中披露大股東悉數拋售持股。最大沽壓消散，本週一開市復牌，問題只是升多少，不是升還是跌。
計算是用腦的，「勇」是用來形容無腦的人，兩者水平差很遠。
歡迎賤價沽售華能
另一隻股份，就是筆者年內兩度推介的華能新能源（00958），近日股價的確跌了不少，若從5月中高位2.86元計起至本週低位2.31港元計，大大話話跌了接近兩成。當時推薦華能新能源，是建基於集團的基本因素及估值而作出的分析及判斷。過去兩個月，華能新能源的基本因素並未出現變化，股價下跌更大程度與公司早前以每股2.61港元向不少於六名承配人配售8.39億股H股有關，該批股份相當於擴大後已發行H股約16.7%。
正如筆者於5月初文章所言，今年新能源股炒風未至，投資者需要用上好一段時間坐貨，按照現時情況判斷，投資者或有需要捱價至少三個月。目前華能新能源的預測市盈率（P/E）及預測市賬率（P/B）低至6.1倍及0.77倍，估值遠低於歷史平均中位數，歡迎無耐性的朋友賤價沽貨走人，然而筆者當天以折上折計出的目標價3.3港元則維持不變。
今年新股總體表現尚算不俗，即將從北海集團（00701）分拆的中漆集團（01932）值得注視。中漆為工業及建築油漆及塗料產品製造商，早在1932年在香港成立，旗下品牌包括大家耳熟能詳的菊花牌、長頸鹿牌及玩具牌等。過去三個財政年度，中漆純利分別為9,727.4萬元、4,249.8萬元及5,544.8萬元。2015年純利按年急跌近六成，主要由於當年天津濱海新區發生集裝箱儲存站爆炸。
在該爆炸事件後，內地立即在指定地區暫停危險品(包括溶劑型油漆及塗料產品)運輸。正因如此，中漆來自華東、華中及西南地區的分銷商訂單大幅減少。即使華南地區銷售未有影響，亦未能抵銷相關部份的下降。不過，天津爆炸事件屬於一次性影響，其純利於去年錄得三成增長，若然未來兩至三年的純利能回到2014年的水平，潛在上升空間高達七成以上。
業務堅貨乾市值細
換個角度來分析，北海是次分拆其實相當「惜貨」，因為每持有57股北海才能優先認購1股中漆。按此比例認購，持有北海的小股東恐怕連一手4,000股中漆也湊不夠數，與其優先認購，倒不如從公開市場「入飛」。其次，北海分拆中漆後，其持股量仍高達75%，大權在握；而25%全球發售的股份中，只得10%亦即2,500萬股於香港公開發售，流通量少得驚人。
如按照招股價上限0.86港元定價，並假設公開發售的2,500萬股全部由街外人認購，該批股份價值亦只是約2,150萬港元，幕後要收回該批股份的難度不大，貨源會變得更乾。
中漆上市後，其已發行股本為10億股，同樣以招股價上限推算，上市後市值為8.6億港元，主板殼值6.5億港元，業務只值2.1億港元？是次招股不妨入飛認購兩手，相信股價會有不俗表現。同業葉氏化工（00408）去年相當強勁，純利按年勁升2.54倍至1.69億港元，現價相對歷史P/E只得10.7倍，息率卻高達4.67厘，在投資角度而言同屬不俗的選擇，惟投資者須留意，葉氏化工成交向來偏低。
【景揚觀天下】
平時我唔係太喜歡出席人多嘅活動，一嚟怕嘈怕熱鬧，二嚟傾唔到偈。好彩嘅係，我身邊有一班基金朋友仔，偶爾聚會真係好開心，因為大家唔會坐低就拎部電話出嚟，亦唔會問你點睇個市或者睇緊咩股票，大家嘅話題，係講吓湊仔嘅辛酸同樂趣。講真，我真係好憎果啲約出嚟見面但死都要玩電話嘅人，呢啲人好唔識尊重人，以後唔見都唔緊要，反正約出嚟你都係玩電話。
之前我缺席咗幾次聚會，原來我啲朋友仔玩緊樣好過癮嘅紙牌遊戲，叫做「三國殺」。呢個game本身係抄外國紙牌遊戲《Bang！》，只不過佢將入面嘅角色換成大家耳熟能詳的三國人物，所以有玩過《Bang！》嘅朋友應該知點玩。三國殺最適合五至七個朋友仔一齊玩，大家分別扮演主公、忠臣、反賊同內奸。
當日我第一次玩，玩咗三鋪，做過內奸同反賊，結果三鋪都係我第一個陣亡，真係唔知係我玩得差，定我唔適合做反賊同內奸。返到屋企，決定好好study呢個遊戲嘅角色能力同遊戲規則，講真，我好少咁認真研究股票以外嘅嘢。當晚，我即刻叫個朋友幫手上網淘咗副2017珍藏版！
個遊戲最吸引嘅地方，係每一個人都需要喺一個大格局下面思考點樣演繹自己嘅角色，因為每一個人嘅勝利條件都唔同，要喺過程中利用手上僅有嘅資源去思考到底其他玩家扮緊咩角色，保住條命仔之餘又要整死應該死嘅人，真係同現實生活好相似。好多人覺得三國殺呢個遊戲人物多、技能多，太複雜所以唔想玩。
啱呀，遊戲複雜你可以唔玩，咁人生複唔複雜？人生複雜過個遊戲，你有無得唔玩？
愈容易嘅嘢愈多人接受同有興趣，因為唔駛你用腦，所以娛樂新聞嘅點擊率永遠第一。同樣地，好多人炒股票，以為睇吓報紙，畀啲學費，就叫參與個遊戲，然後希望可以喺遊戲中勝出。個情況就好似我玩緊三個殺，你喺旁邊睇我玩，你以為你識玩；到你坐底玩，你就每行一步都要問我點行，咁你即係唔識玩啦。咁既然你唔識玩，點解仲要玩？
如果炒股票真係咁簡單，呢個世界唔會再有窮人。有時我真係好想同散戶講，如果你無興趣或無能力去研究個game，無一種唔肯認輸一定要贏嘅心態，而只係識問玩緊嘅人點玩，咁其實你真係唔玩好過玩，真心。
陳景揚 投資者手記
中漆上市炒貨乾，認購兩手又何妨
●中漆集團旗下品牌，包括大家耳熟能詳的菊花牌、長頸鹿牌及玩具牌等。
A股成功入摩，惟恒指於過去一週繼續於25,500點至26,000點之間整固，下試50天線的機率猶在。本週轉個話題，北海集團（00701）即將分拆中漆集團（01932），從技術上入手，投資者不妨入飛抽兩手，相信此股下跌空間不大。
6月21日，星期三。恒指繼續在高位進行整固，過去一週最低曾跌至約25,500點，但整體仍處於高位運行。雖然目前20天線已經緩緩攀升，但投資者仍然不能大意後市有機會下試50天線的可能性。事實上，市場一直對A股入摩抱有憧憬，惟A股成功入摩後，未能為大市帶來利好氣氛，反而借勢回調，相信大漲小回格局暫時未變。
上週五福澤集團（08108）股價大瀉八成，筆者當日在0.205港元飛身買入10萬股，不少朋友形容此舉為「勇」。借問一句，俱俱兩萬元的成本，即使total loss也是不着邊際，何勇之有？投機性炒作，不是計自己會贏多少，而是計自己輸得起多少，說穿了只是一條值博率的數學題。事後孔明，福澤於公告中披露大股東悉數拋售持股。最大沽壓消散，本週一開市復牌，問題只是升多少，不是升還是跌。
計算是用腦的，「勇」是用來形容無腦的人，兩者水平差很遠。
歡迎賤價沽售華能
另一隻股份，就是筆者年內兩度推介的華能新能源（00958），近日股價的確跌了不少，若從5月中高位2.86元計起至本週低位2.31港元計，大大話話跌了接近兩成。當時推薦華能新能源，是建基於集團的基本因素及估值而作出的分析及判斷。過去兩個月，華能新能源的基本因素並未出現變化，股價下跌更大程度與公司早前以每股2.61港元向不少於六名承配人配售8.39億股H股有關，該批股份相當於擴大後已發行H股約16.7%。
正如筆者於5月初文章所言，今年新能源股炒風未至，投資者需要用上好一段時間坐貨，按照現時情況判斷，投資者或有需要捱價至少三個月。目前華能新能源的預測市盈率（P/E）及預測市賬率（P/B）低至6.1倍及0.77倍，估值遠低於歷史平均中位數，歡迎無耐性的朋友賤價沽貨走人，然而筆者當天以折上折計出的目標價3.3港元則維持不變。
今年新股總體表現尚算不俗，即將從北海集團（00701）分拆的中漆集團（01932）值得注視。中漆為工業及建築油漆及塗料產品製造商，早在1932年在香港成立，旗下品牌包括大家耳熟能詳的菊花牌、長頸鹿牌及玩具牌等。過去三個財政年度，中漆純利分別為9,727.4萬元、4,249.8萬元及5,544.8萬元。2015年純利按年急跌近六成，主要由於當年天津濱海新區發生集裝箱儲存站爆炸。
在該爆炸事件後，內地立即在指定地區暫停危險品(包括溶劑型油漆及塗料產品)運輸。正因如此，中漆來自華東、華中及西南地區的分銷商訂單大幅減少。即使華南地區銷售未有影響，亦未能抵銷相關部份的下降。不過，天津爆炸事件屬於一次性影響，其純利於去年錄得三成增長，若然未來兩至三年的純利能回到2014年的水平，潛在上升空間高達七成以上。
業務堅貨乾市值細
換個角度來分析，北海是次分拆其實相當「惜貨」，因為每持有57股北海才能優先認購1股中漆。按此比例認購，持有北海的小股東恐怕連一手4,000股中漆也湊不夠數，與其優先認購，倒不如從公開市場「入飛」。其次，北海分拆中漆後，其持股量仍高達75%，大權在握；而25%全球發售的股份中，只得10%亦即2,500萬股於香港公開發售，流通量少得驚人。
如按照招股價上限0.86港元定價，並假設公開發售的2,500萬股全部由街外人認購，該批股份價值亦只是約2,150萬港元，幕後要收回該批股份的難度不大，貨源會變得更乾。
中漆上市後，其已發行股本為10億股，同樣以招股價上限推算，上市後市值為8.6億港元，主板殼值6.5億港元，業務只值2.1億港元？是次招股不妨入飛認購兩手，相信股價會有不俗表現。同業葉氏化工（00408）去年相當強勁，純利按年勁升2.54倍至1.69億港元，現價相對歷史P/E只得10.7倍，息率卻高達4.67厘，在投資角度而言同屬不俗的選擇，惟投資者須留意，葉氏化工成交向來偏低。
葉氏化工（00408）股價圖
6月21日收報：3.21港元
已發行股數：5.64億股
市值：18.10億港元
52週高低位：3.50 - 2.30港元
【景揚觀天下】
平時我唔係太喜歡出席人多嘅活動，一嚟怕嘈怕熱鬧，二嚟傾唔到偈。好彩嘅係，我身邊有一班基金朋友仔，偶爾聚會真係好開心，因為大家唔會坐低就拎部電話出嚟，亦唔會問你點睇個市或者睇緊咩股票，大家嘅話題，係講吓湊仔嘅辛酸同樂趣。講真，我真係好憎果啲約出嚟見面但死都要玩電話嘅人，呢啲人好唔識尊重人，以後唔見都唔緊要，反正約出嚟你都係玩電話。
之前我缺席咗幾次聚會，原來我啲朋友仔玩緊樣好過癮嘅紙牌遊戲，叫做「三國殺」。呢個game本身係抄外國紙牌遊戲《Bang！》，只不過佢將入面嘅角色換成大家耳熟能詳的三國人物，所以有玩過《Bang！》嘅朋友應該知點玩。三國殺最適合五至七個朋友仔一齊玩，大家分別扮演主公、忠臣、反賊同內奸。
當日我第一次玩，玩咗三鋪，做過內奸同反賊，結果三鋪都係我第一個陣亡，真係唔知係我玩得差，定我唔適合做反賊同內奸。返到屋企，決定好好study呢個遊戲嘅角色能力同遊戲規則，講真，我好少咁認真研究股票以外嘅嘢。當晚，我即刻叫個朋友幫手上網淘咗副2017珍藏版！
個遊戲最吸引嘅地方，係每一個人都需要喺一個大格局下面思考點樣演繹自己嘅角色，因為每一個人嘅勝利條件都唔同，要喺過程中利用手上僅有嘅資源去思考到底其他玩家扮緊咩角色，保住條命仔之餘又要整死應該死嘅人，真係同現實生活好相似。好多人覺得三國殺呢個遊戲人物多、技能多，太複雜所以唔想玩。
啱呀，遊戲複雜你可以唔玩，咁人生複唔複雜？人生複雜過個遊戲，你有無得唔玩？
愈容易嘅嘢愈多人接受同有興趣，因為唔駛你用腦，所以娛樂新聞嘅點擊率永遠第一。同樣地，好多人炒股票，以為睇吓報紙，畀啲學費，就叫參與個遊戲，然後希望可以喺遊戲中勝出。個情況就好似我玩緊三個殺，你喺旁邊睇我玩，你以為你識玩；到你坐底玩，你就每行一步都要問我點行，咁你即係唔識玩啦。咁既然你唔識玩，點解仲要玩？
如果炒股票真係咁簡單，呢個世界唔會再有窮人。有時我真係好想同散戶講，如果你無興趣或無能力去研究個game，無一種唔肯認輸一定要贏嘅心態，而只係識問玩緊嘅人點玩，咁其實你真係唔玩好過玩，真心。
熱門文章
- 金手指變紅手指 │ 2017年5月25日
- 有大食大，爆炒易發易發 │ 2017年5月11日
- 頂頭蟹貨少，吸納中國機械工程 │ 2017年3月23日
- 獅子王4月之吼 │ 2017年3月16日
- 風起雲霧散，華能新能源 │ 2017年2月9日
- 猛片輪住上，IMAX中國單W │ 2017年1月26日
- 一帶一路電力王，偉能盈利大爆發 │ 2017年1月12日
- 物流股賣盤奇想 │ 2016年12月8日
- 認股權證藏玄機，真命天子美麗華 │ 2016年10月6日
Comments