2017年1月26日
陳景揚 投資者手記
猛片輪住上,IMAX中國單W
特朗普(Donald Trump)正式成為新一任美國總統,一上場就指美元過強,又立即推翻前朝有關醫保及跨太平洋戰略經濟伙伴關係協議(TPP)。美國的不確定性,將為市場帶來契機還是危機,市場仍未摸清。喜歡剝花生看戲的投資者,不妨留意IMAX中國(01970)。
1月25日,星期三。特朗普上任後滿腹密圈,既嫌加息慢,又嫌美元強,百日維新未知會否開閘脫腳,不妨留待時間來解答。事實上,自從特朗普當選後,美股已經錄得超過一成升幅,雖然港股表現明顯落後,但一眾與資源相關的股份卻相當強橫,年初至今升幅已經達到兩成或以上。
本週研究的IMAX中國(01970),本應在上週見報,奈何筆者決定先寫勵晶太平洋(00575),事後孔明認為時序拿掐得不準確。先看業績,截至2016年6月底止,IMAX半年收入增長25.4%至5,506.1萬美元,虧轉盈賺1,774.2萬美元,每股盈利0.05美元,毛利率按年下跌八個百分點至61.6%,總票房上升3.1%至1.8億美元,每塊銀幕票房收入減少24.2%至61.5萬美元。
去年沒幾套好電影
同樣以2016年上半年作比較,IMAX增長低於中國票房增長,主要由於破票房紀錄電影《美人魚》並非以IMAX格式放映所致。IMAX的收入主要分為 一)影院業務,和 二)影片業務兩部份,一)包括銷售或租賃IMAX影院放映系統設備;維護IMAX影院網絡中的IMAX影院放映系統設備、向放映商提供IMAX影院放映系統設備並從中獲得票房分成及承擔成本。
此外,IMAX亦會從母公司IMAX Corporation手中購買影片,然後從收到的一定比例(通常為9.5%至12.5%)總票房收入中扣除該成本;以及銷售眼鏡及其他雜項。二)影片業務方面,IMAX則會將荷里活及華語電影轉製為IMAX格式並發行,以供IMAX影院網絡放映之用。截至去年6月底止,IMAX於大中華地區合共經營318家IMAX影院,另有17家不放映商業影片的場所如博物館、動物園及水族館等。
翻查資料,2016年中國全年票房收入為457億元(人民幣.下同),按年增加3.8%或17億元。這個數字對不少電影人來說,真是一地眼鏡碎,全因2015年內地票房收入增長達到50%。不少投資者會有疑問,為何2016年的增幅大跌呢?主要原因,在於去年3月《葉問3》被廣電總局電影局調查,當中牽涉虛假排片7,600場,虛假票房3,200萬元,自購票房5,600萬元。
一打假,下半年票房收益立即縮水,就連手握萬達院線(002739.SZ)的王健林亦指出,「中國經濟增長才6%至7%,即使文化產業增長稍高,可能持續出現30%至40%的增長嗎?」2016年下半年,是中國電影市場從瘋狂回歸現實的刮骨療傷期:場均收入從2015年7,000元至8,000元降至2016年的610元、電商不再貼錢票補兼中間抽成等等,最重要,還是2016年沒甚麼好電影。你想想,去年聖誕節,簡直沒有一套電影揀得落手。
兩大誘因今年重現
投資者有興趣的地方,是IMAX今年是否能夠重拾增長動力。倒帶回望IMAX在2015年的業績,全年收入增長41.4%至1.1億美元,經調整後的純利增長66.9%至4,340萬美元(撇除公允值非現金調整、首次公開發售、金融工具攤銷非現金費用)。純利勁升包含兩個原因,《狂野時速7》(Fast & Furious 7)內地票房勁收3.91億美元,以及人民幣兌美元貶值所致。
今年重頭戲Fast & Furious 8,將於4月14日公映,而2016年4月份卻是內地全年基數最低的月份,相信畫公仔毋須畫出腸了。至於人民幣兌美元會否貶值,相信答案已在閣下心中,換句話說,2015年導致IMAX業務爆升的理據,今年將很大機會重演。至於今年排隊上映的重頭戲,還包括:
《銀河守護隊2》(Guardians of the Galaxy Vol. 2)
《狼人3》(Wolverine 3)
《變形金剛:終極戰士》(Transformers: The Last Knight)
《加勒比海盜:惡靈啟航》(Pirates of the Caribbean: Dead Men Tell No Tales)
《蜘蛛俠:強勢回歸》(Spider-Man: Homecoming)
單看牌面,已經勝過悶到嘔泡的2016年。技術上,IMAX短線從31.3港元升至36.4港元,不妨待其回調至10天線約33.44港元吸納,中線上望40港元。
【景揚觀天下】
除咗炒股票之外,我嘅另一項業務係海外房地產投資,久唔久就會呢度去果度去睇樓。上個星期去咗越南睇樓,去之前有前輩同我講,當胡志明市係N年前嘅常平東莞;亦有位同事同我講,叫我咪鬼去,無嘢玩又無嘢睇。結果,我真係好後悔去咗越南,唔係房地產呢項單一問題,而係講緊整體印象。
胡志明市電單車多過台北,成條街都係汽油味,基本上好難等到無車嘅一刻,學過馬路係基本知識。去到當地,係人都同我講叫我小心包包,行緊街唔好隨便拎個電話出嚟,以免揸電單車嘅人一嘢搶咗去。講真,我都好耐未試過去一個國家嘅主要商業城市,要咁小心保護貴重物品。好喇,越南最大嘅問題係邊呢?
Cheating。
同個friend每人食碗牛肉河加杯嘢飲,擺明街邊貨,埋單9萬盾(約30港元),然後有另一個人出嚟話10萬盾(約34港元),然後再有另一個人拎張單出嚟話12萬盾(約41港元),OK,就算你話120萬盾(約410港元)我都照比。夜晚上咗酒店頂樓間酒吧比女溝吓,同個越南妹吹咗一陣見啱咀型,我就開始入正題,個正題就梗係唔係好似你哋啲壞人咁帶佢返房啦。
我好老實不客氣咁同佢講,越南無論男男女女都好喜歡cheating,總係想辦法搵着數,咁樣對整個國家都無好處,我寧願去泰國。你知唔知佢點答?Yes I know, and this is Vietnam style。我同佢講,你哋咁想搵錢可以考慮去中國發展,你又知唔知佢點答?China no good, they are liars。我聽完之後笑爆咀,我同佢講,China no need to cheat la, they have money, they can buy everything they want。
呢個越南妹本應打算過一個歡愉嘅晚上,點知遇到一個痴嘅,心情應該同我一樣,好後悔。
陳景揚 投資者手記
猛片輪住上,IMAX中國單W
●今年有多齣猛片上畫,有助IMAX中國從谷底復甦。
特朗普(Donald Trump)正式成為新一任美國總統,一上場就指美元過強,又立即推翻前朝有關醫保及跨太平洋戰略經濟伙伴關係協議(TPP)。美國的不確定性,將為市場帶來契機還是危機,市場仍未摸清。喜歡剝花生看戲的投資者,不妨留意IMAX中國(01970)。
1月25日,星期三。特朗普上任後滿腹密圈,既嫌加息慢,又嫌美元強,百日維新未知會否開閘脫腳,不妨留待時間來解答。事實上,自從特朗普當選後,美股已經錄得超過一成升幅,雖然港股表現明顯落後,但一眾與資源相關的股份卻相當強橫,年初至今升幅已經達到兩成或以上。
本週研究的IMAX中國(01970),本應在上週見報,奈何筆者決定先寫勵晶太平洋(00575),事後孔明認為時序拿掐得不準確。先看業績,截至2016年6月底止,IMAX半年收入增長25.4%至5,506.1萬美元,虧轉盈賺1,774.2萬美元,每股盈利0.05美元,毛利率按年下跌八個百分點至61.6%,總票房上升3.1%至1.8億美元,每塊銀幕票房收入減少24.2%至61.5萬美元。
去年沒幾套好電影
同樣以2016年上半年作比較,IMAX增長低於中國票房增長,主要由於破票房紀錄電影《美人魚》並非以IMAX格式放映所致。IMAX的收入主要分為 一)影院業務,和 二)影片業務兩部份,一)包括銷售或租賃IMAX影院放映系統設備;維護IMAX影院網絡中的IMAX影院放映系統設備、向放映商提供IMAX影院放映系統設備並從中獲得票房分成及承擔成本。
此外,IMAX亦會從母公司IMAX Corporation手中購買影片,然後從收到的一定比例(通常為9.5%至12.5%)總票房收入中扣除該成本;以及銷售眼鏡及其他雜項。二)影片業務方面,IMAX則會將荷里活及華語電影轉製為IMAX格式並發行,以供IMAX影院網絡放映之用。截至去年6月底止,IMAX於大中華地區合共經營318家IMAX影院,另有17家不放映商業影片的場所如博物館、動物園及水族館等。
翻查資料,2016年中國全年票房收入為457億元(人民幣.下同),按年增加3.8%或17億元。這個數字對不少電影人來說,真是一地眼鏡碎,全因2015年內地票房收入增長達到50%。不少投資者會有疑問,為何2016年的增幅大跌呢?主要原因,在於去年3月《葉問3》被廣電總局電影局調查,當中牽涉虛假排片7,600場,虛假票房3,200萬元,自購票房5,600萬元。
一打假,下半年票房收益立即縮水,就連手握萬達院線(002739.SZ)的王健林亦指出,「中國經濟增長才6%至7%,即使文化產業增長稍高,可能持續出現30%至40%的增長嗎?」2016年下半年,是中國電影市場從瘋狂回歸現實的刮骨療傷期:場均收入從2015年7,000元至8,000元降至2016年的610元、電商不再貼錢票補兼中間抽成等等,最重要,還是2016年沒甚麼好電影。你想想,去年聖誕節,簡直沒有一套電影揀得落手。
兩大誘因今年重現
投資者有興趣的地方,是IMAX今年是否能夠重拾增長動力。倒帶回望IMAX在2015年的業績,全年收入增長41.4%至1.1億美元,經調整後的純利增長66.9%至4,340萬美元(撇除公允值非現金調整、首次公開發售、金融工具攤銷非現金費用)。純利勁升包含兩個原因,《狂野時速7》(Fast & Furious 7)內地票房勁收3.91億美元,以及人民幣兌美元貶值所致。
今年重頭戲Fast & Furious 8,將於4月14日公映,而2016年4月份卻是內地全年基數最低的月份,相信畫公仔毋須畫出腸了。至於人民幣兌美元會否貶值,相信答案已在閣下心中,換句話說,2015年導致IMAX業務爆升的理據,今年將很大機會重演。至於今年排隊上映的重頭戲,還包括:
《銀河守護隊2》(Guardians of the Galaxy Vol. 2)
《狼人3》(Wolverine 3)
《變形金剛:終極戰士》(Transformers: The Last Knight)
《加勒比海盜:惡靈啟航》(Pirates of the Caribbean: Dead Men Tell No Tales)
《蜘蛛俠:強勢回歸》(Spider-Man: Homecoming)
單看牌面,已經勝過悶到嘔泡的2016年。技術上,IMAX短線從31.3港元升至36.4港元,不妨待其回調至10天線約33.44港元吸納,中線上望40港元。
IMAX中國(01970)股價圖
1月25日收報:36.15港元
已發行股數:3.57億股
市值:129.06億港元
52週高低位:52.85 - 31.10港元
【景揚觀天下】
除咗炒股票之外,我嘅另一項業務係海外房地產投資,久唔久就會呢度去果度去睇樓。上個星期去咗越南睇樓,去之前有前輩同我講,當胡志明市係N年前嘅常平東莞;亦有位同事同我講,叫我咪鬼去,無嘢玩又無嘢睇。結果,我真係好後悔去咗越南,唔係房地產呢項單一問題,而係講緊整體印象。
胡志明市電單車多過台北,成條街都係汽油味,基本上好難等到無車嘅一刻,學過馬路係基本知識。去到當地,係人都同我講叫我小心包包,行緊街唔好隨便拎個電話出嚟,以免揸電單車嘅人一嘢搶咗去。講真,我都好耐未試過去一個國家嘅主要商業城市,要咁小心保護貴重物品。好喇,越南最大嘅問題係邊呢?
Cheating。
同個friend每人食碗牛肉河加杯嘢飲,擺明街邊貨,埋單9萬盾(約30港元),然後有另一個人出嚟話10萬盾(約34港元),然後再有另一個人拎張單出嚟話12萬盾(約41港元),OK,就算你話120萬盾(約410港元)我都照比。夜晚上咗酒店頂樓間酒吧比女溝吓,同個越南妹吹咗一陣見啱咀型,我就開始入正題,個正題就梗係唔係好似你哋啲壞人咁帶佢返房啦。
我好老實不客氣咁同佢講,越南無論男男女女都好喜歡cheating,總係想辦法搵着數,咁樣對整個國家都無好處,我寧願去泰國。你知唔知佢點答?Yes I know, and this is Vietnam style。我同佢講,你哋咁想搵錢可以考慮去中國發展,你又知唔知佢點答?China no good, they are liars。我聽完之後笑爆咀,我同佢講,China no need to cheat la, they have money, they can buy everything they want。
呢個越南妹本應打算過一個歡愉嘅晚上,點知遇到一個痴嘅,心情應該同我一樣,好後悔。
Comments